ការចូលរៀន
ឆ្លើយតបទៅនឹងស្តង់ដារនៃគណៈកម្មការទទួលស្គាល់គុណភាពអប់រំនៃកម្ពុជា សាកលវិទ្យាល័យបានកំណត់យក ១ ក្រេឌីតនៃម៉ោងសិក្សាលើទ្រឹស្តីស្មើនឹង ១៥ ម៉ោង។ ១ ក្រេឌីតនៃការអនុវត្តនៅបន្ទប់ពិសោធន៍ស្មើនឹង ៣០ ម៉ោង។ ១ ក្រេឌីតនៃការអនុវត្តនៅតាមរោងចក្រ សហគ្រាស ការដ្ឋាន ឬកសិដ្ឋានស្មើនឹង ៤៥ ម៉ោង។ រាល់មុខវិជ្ជានីមួយៗ និស្សិតត្រូវទទួលពិន្ទុយ៉ាងតិចបំផុត ៦០ ឡើងទៅទើបជាប់ ពុំនោះសោតនឹងត្រូវរៀនមុខវិជ្ជានោះឡើងវិញ។ ក្នុងឆមាសនីមួយៗ បើនិស្សិតធ្លាក់ពី ៣ មុខវិជ្ជាឡើងទៅ នឹងត្រូវរៀនត្រួតឆមាស។ ករណីនិស្សិតធ្លាក់ ១ ឬ ២ មុខ និស្សិតត្រូវបានអនុញ្ញាតឲ្យឡើងថ្នាក់ តែត្រូវរៀនសងឲ្យបានជាប់នូវមុខវិជ្ជាដែលធ្លាក់។ គ្រប់កម្រិតសិក្សាទាំងអស់និស្សិតត្រូវរៀនឲ្យបានជាប់លើគ្រប់មុខវិជ្ជាទើបមានសិទ្ធិប្រឡងបញ្ចប់ការសិក្សា។ និស្សិតដែលអាចចូលសិក្សាថ្នាក់បរិញ្ញាបត្រជាន់ខ្ពស់បានលុះត្រាទទួលបានមធ្យមភាគសរុបយ៉ាងតិច ៣ (GPA is at least 3)។ និស្សិតដែលអាចចូលសិក្សាបន្តថ្នាក់បណ្ឌិតបានលុះត្រាតែទទួលបានមធ្យមភាគសរុបយ៉ាងតិច ៣,៥ (បីកន្លះ) និងបានសសេរនិក្ខេបបទបញ្ចប់ការសិក្សានៅថ្នាក់បរិញ្ញាបត្រជាន់ខ្ពស់។
១. កម្មវិធីសិក្សា
- ថ្នាក់បរិញ្ញាបត្ររង
- ថ្នាក់បរិញ្ញាបត្រ
- ថ្នាក់បរិញ្ញាបត្រជាន់ខ្ពស់
- ថ្នាក់បណ្ឌិត
២. តម្លៃសិក្សា
- បង់រំលោះ
- បង់តាមឆមាស
- បង់មួយឆ្នាំ
- បង់មួយចប់ការសិក្សា
* ថ្លៃសិក្សា៖
កម្រិតសិក្សា ឆ្នាំទី ១ ឆ្នាំទី ២ ឆ្នាំទី ៣ ឆ្នាំទី ៤
- បរិញ្ញាបត្ររង $ 450 $ 450
- បរិញ្ញាបត្រ $ 350* $ 450* $ 450* $ 450*
- បរិញ្ញាបត្រជាន់ខ្ពស់ $ 750 $ 750
- បណ្ឌិត $ 1,400 $ 1,400 $ 1,400
- វិជ្ជាជីរៈរយៈពេលខ្លី អាស្រ័យលើការជ្រើសរើសការសិក្សា និងកម្រិតសិក្សា
សំគាល់៖ * ដោយឡែកសម្រាប់ថ្នាក់៖
ឆ្នាំទី ១ ឆ្នាំទី ២ ឆ្នាំទី ៣ ឆ្នាំទី ៤
- បរិញ្ញាបត្រអង់គ្លេស និងគ្រប់គ្រងសណ្ឋាគារ-ទេសចរណ៍៖ $ 380 $ 480 $ 480 $ 480
- បរិញ្ញាបត្រវិទ្យាសាស្ត្រកុំព្យូទ័រ៖ $ 390 $ 490 $ 490 $ 490
- បរិញ្ញាបត្រទំនាក់ទំនងអន្តរជាតិ៖ $ 480 $ 530 $ 530 $ 530
- បរិញ្ញាបត្រគ្រប់គ្រងការដឹកជញ្ជូន៖ $ 980 $ 980 $ 980 $ 980
៣. និស្សិតផ្ទេរពីសាកលវិទ្យាល័យនានា
៤. វេនសិក្សា
- ព្រឹក
- រសៀល
- យប់
- ចុងសប្តាហ៍ (ថ្ងៃសៅ និងថ្ងៃអាទិត្យ)
លក្ខ័ណ្ឌចុះឈ្មោះចូលរៀន
១. ថ្នាក់បរិញ្ញាបត្ររង
- ពាក្យសុំចូលរៀនមួយច្បាប់
- រូបថតចំពីមុខផ្ទៃពណ៌ស (បុរសត្រូវពាក់អាវធំ និងមានក្រវ៉ាត់ក នារីត្រូវពាក់អាវពណ៌ស) ចំនួនប្រាំពីរសន្លឹក ទំហំ ៤x៦
- សញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃសើ្ម ឬវិញ្ញាបនបត្របណ្តោះអាសន្នបញ្ជាក់ថាបានជាប់សញ្ញាបត្រមធ្យមសិក្សាទុតិយភូមិ ឬវិញ្ញាបនបត្របញ្ចាប់ការសិក្សាថ្នាក់ទី១២ ដោយមានបញ្ជាក់ពីសាលាខេត្ត-ក្រុង ឬអាជ្ញាធរមានសមត្ថកិច្ច ។
២. ថ្នាក់បរិញ្ញាបត្រ
- ពាក្យសុំចូលរៀនមួយច្បាប់
- រូបថតចំពីមុខផ្ទៃពណ៌ស (បុរសត្រូវពាក់អាវធំ និងមានក្រវ៉ាត់ក នារីត្រូវពាក់អាវពណ៌ស) ចំនួនប្រាំពីរសន្លឹក ទំហំ ៤x៦
- សញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃសើ្ម ឬវិញ្ញាបនបត្របណ្តោះអាសន្ន បញ្ជាក់ថាបានជាប់សញ្ញាបត្រមធ្យមសិក្សាទុតិយភូមិ ដោយមានបញ្ជាក់ពីសាលាខេត្ត-ក្រុង ឬអាជ្ញាធរមានសមត្ថកិច្ច ។
៣. ថ្នាក់បរិញ្ញាបត្រជាន់ខ្ពស់
- ពាក្យសុំចូលរៀនមួយច្បាប់
- រូបថតចំពីមុខផ្ទៃពណ៌ស (បុរសត្រូវពាក់អាវធំ និងមានក្រវ៉ាត់ក នារីត្រូវពាក់អាវពណ៌ស) ចំនួនប្រាំពីរសន្លឹក ទំហំ ៤x៦
- សញ្ញាបត្របរិញ្ញាបត្រ ឬសញ្ញាបត្រសមមូល ដោយមានបញ្ជាក់ពីសាលាខេត្ត-ក្រុង ឬអាជ្ញាធរមានសមត្ថកិច្ច។
៤. ថ្នាក់បណ្ឌិត
- ពាក្យសុំចូលរៀនមួយច្បាប់
- រូបថតចំពីមុខផ្ទៃពណ៌ស (បុរសត្រូវពាក់អាវធំ និងមានក្រវ៉ាត់ក នារីត្រូវពាក់អាវពណ៌ស) ចំនួនប្រាំពីរសន្លឹក ទំហំ ៤x៦
- សញ្ញាបត្របរិញ្ញាបត្រជាន់ខ្ពស់ ឬសញ្ញាបត្រសមមូលដោយមានបញ្ជាក់ពីសាលាខេត្ត-ក្រុង ឬអាជ្ញាធរមានសមត្ថកិច្ច។
ករណីដែលនិស្សិតធ្វើការបញ្ជាក់ឯកសារមិនទាន់ តម្រូវឲ្យពួកគាត់បំពេញពាក្យជំពាក់ឯកសារ ។
