ពិធីបើកដំណើរការមុខវិជ្ជាថ្មី “ការគ្រប់គ្រងឡូជីស្ទីក”(Logistics Management)
សាកលវិទ្យាល័យភ្នំពេញអន្តរជាតិ (PPIU) មានកិត្តិយសនិងសេចក្ដីរីករាយ សូមជម្រាបជូនដំណឹងដល់សាធារណៈជន ប្អូនៗជាសិស្សដែលទើបប្រឡងបញ្ចប់មធ្យមសិក្សាទុតិយភូមិ(២០១៧)កន្លងទៅនេះ ឱយបានជ្រាបថា៖
PPIUនឹងមានរៀបចំពិធីពិសេសមួយ ក្នុងការបើកដំណើរការមុខវិជ្ជាថ្មី “ការគ្រប់គ្រងឡូជីស្ទីក”(Logistics Management) ដែលនឹងប្រព្រឹត្តទៅនៅថ្ងៃទី៧ ខែកញ្ញា ឆ្នាំ២០១៧ វេលាម៉ោង ១:៤៥ រសៀល នៅសាកលវិទ្យាល័យភ្នំពេញអន្តរជាតិ (PPIU) ជាន់ទី៥ ។ សាធារណៈជន ប្អូនៗជាសិស្ស និស្សិតអាចអញ្ជើញចូលរួមពិធីនេះ បានដោយសេរី ។
សាធារណៈជន ប្អូនៗជាសិស្សនិស្សិត នឹងបានយល់ច្បាស់អំពីអត្ថប្រយោជន៍នៃការសិក្សាជំនាញ គ្រប់គ្រងឡូជីស្ទីក តាមរយៈវាគ្មិន អ្នកជំនាញល្បីៗដែលមានអាជីវកម្មផ្ទាល់ខ្លួនពាក់ព័ន្ធនឹងការគ្រប់គ្រងឡូជីស្ទីក មានបទពិសោធន៍ក្នុងការងារឡូជីស្ទីក”នៃក្រសួងពាក់ពន្ធ័ និងបានដឹងអំពីសារៈសំខាន់ចាំបាច់ក្នុងទីផ្សារការងារនាពេលបច្ចុប្បន្ន ។ វាគ្មិនសំខាន់ៗទាំងនោះនឹងមកឧទ្ទេសនាម ចែករំលែកចំណេះដឹង បទពិសោធន៍របស់អស់លោកផ្ទាល់ ព្រមទាំងឆ្លើយសំណួរជាច្រើន ទាក់ទងនឹងប្រធានបទខាងលើដើម្បីជាគន្លឹះសម្រាប់ចំណេះដឹង និង អាជីវកម្មជោគជ័យនាពេលអនាគត ។
មុខវិជ្ជាថ្មី “ការគ្រប់គ្រងឡូជីស្ទីក”(Logistics Management) នឹងចាប់ទទួលបេក្ខជនចុះឈ្មោះចូលរៀនក្នុងឆ្នាំសិក្សាថ្មី ២០១៧-២០១៨ ខាងមុខនេះ ចាប់ពីឥឡូវនេះតទៅ ។ PPIU បានទទួលការអនុញ្ញាតិពីក្រសួងអប់រំ យុវជន និងកីឡា (MoEYS) ឱយបើកដំណើរការជំនាញសិក្សាការគ្រប់គ្រងឡូជីស្ទីក ដែលមានកម្មវិធីសិក្សាស្របតាមស្តង់ដារជាតិ និងតំបន់ ។
មូលហេតុចម្បងដែល PPIU បង្កើតជំនាញសិក្សាការគ្រប់គ្រងឡូជីស្ទីក នេះឡើងគឺដើម្បីផ្តល់ចំណេះដឹង និងជំនាញក្នុងការគ្រប់គ្រងប្រព័ន្ធដឹកជញ្ជូនដែលជាតម្រូវការចាំបាច់ក្នុងប្រពន្ធ័ធុរកិច្ច និងជាជំនាញ ដែលពុំទាន់ត្រូវបានយកមកបណ្តុះបណ្តាលទូលំទូលាយ នៅក្នុងផ្នែកឧត្តមសិក្សាកម្ពុជានៅឡើយ ។
និស្សិតសិក្សាជំនាញនេះនឹងចេះគ្រប់គ្រងនិងធ្វើកិច្ចសហការក្នុងរាល់តួនាទីទាំងឡាយនៃប្រព័ន្ធដឹកជញ្ជូន ចាប់តាំងពីសហគ្រាស ទីតាំងផលិតរហូតដល់ទីតាំងចែកចាយ និងលក់ ។ ការបញ្ជាទិញ ការទទួល ការត្រួតពិនិត្យទំនិញ ការបែងចែកធនធាន និងប្រតិបត្តិការនានា នឹងត្រូវយកមកសិក្សា ៕ ក្រោយបញ្ជប់ការសិក្សាដោយជោគជ័យនិស្សិតនឹងទទួលបានឱកាសធ្វើការនៅក្នុងស្ថាប័នរដ្ឋ និង ឯកជន ឬ អង្គការជាតិ អន្តរជាតិក្នុងអាជីពដូចជា៖
- អ្នកគ្រប់គ្រងសហគ្រាសផលិតកម្ម ឬ សហគ្រាសដឹកជញ្ជូន
- អ្នកគ្រប់គ្រង/មន្រ្តីនៃសហគ្រាសឡូជីស្ទីកភាគគីទី 3 (Third Party Logistics Firms)
- អ្នករៀបចំ/គ្រប់គ្រងឃ្លាំង
- មន្រ្តី/បុគ្គលិកនៃក្រុមហ៊ុនបញ្ជូនទំនិញ/ក្រុមហ៊ុនដឹកជញ្ជូន
- មន្រ្តី/បុគ្គលិកនៃក្រុមហ៊ុនដឹកជញ្ជូនអ្នកដំណើរ
- គ្រូបង្រៀន/សាស្រ្តាចារ្យនៃគ្រឹះស្ថានអប់រំឧត្តមសិក្សា
- ភ្នាក់ងារ/មន្រ្តីរដ្ឋាភិបាលនៃក្រសួងពាក់ព័ន្ធ…
Count Visitor
